ازاي ممكن اقدر اتخطي شخص كنت مرتاحه ومبسوطه معاه ومتعلقه ليه؟
اول حاجه ندرك انها فتره صعبه لكنها هتمر واتأكدي من ده مهما كان التعلق والقصص الاسطوريه ... قللي الوجع واداوي كالتالي اقطعي كل السبل انك تشوفيه او تعرفي اخباره وانشغلي بغباء اللي هو بتنامي من التعب ... والاهم اسقي روحك الدبلانه والتعبانه من اثر الفراق ..دعاء ولو مش قادره حتي لو قلتي يارب فهو عارف... والاستعانه بالله .. لو قدرتي تلزمي البقره هتفرق معاكي ...واخرجي مع أطفال دول الوحيدين اللي بيرجعوا الواحد لفطرته و اي حاجه بتبسطك اعمليها اكل بقي او روايات او ايا كان ... ورغي كتير اشغلي وقتك بجد امنعي دماغك تفكر وونسيها ببدايل ..هتقللي الوجع والمده والاثر وهتلاقي الطريق لوحدك ويمكن بعد ما تفوقي تظني انك كنت مديه ناس اكتر من حجمها او شخصتي احتياجك فيهم هما مع ان هما مساعدوش ... وقتها هتفكري صح .. وربنا يصلح احوالنا جميعا ويثبتك ومتأكده هتكوني اقوي ..بس اهم حاجه هتبقي اقوي و مش هتتعلقي بالساهل بعد كده ومش هتدي مكان لحد غير اللي يستحقه ..انا هنا ف اي وقت بجد والله لو احتاجتيني 🌸
0 likes