الشخص اللي مرتبطة بيه صارحني ان لسه قدامه كتير لحد ما يجهز نفسه وان في ايدي الاختيار بس هو بيسعى وبيحاول عشاني وبفكر فعلا اسيبه لأن حرام وفي الفترة الأخيرة حاسة اني مش مرتاحة معاه انا صح؟
كلام الشيوخ والعقل والأهل ..هيتفق ع انك تسيبيه وهو قالك ظروفه .. وأي حد يقول البنات مش أصيله وإلخ البيوت مليانه قصص تحزن من بنات انتظرت سنين وبعد ما جهز نفسه خطب غيرها .. يا زهق منها يا بكل بجاحه قالها انتي اللي انتظرتي و اللي يقول مش مديكي أمان اتجوز واحده زيك عرفتني طول الفتره دي من غير خطوبه .. وللعلم هو باس طوب الارض علشان تكلمه بس خلينا متفقين وبكلام الشباب نفسهم ... هما بيحبوا أي حاجه مؤنث بتتنفس ..فلو مجتش فوزيه تيجي بهانه 😊 وانتي كمان قلت مش مرتاحه .. وشرعا كل ده لا يجوز وواجب التوبه والخ ونقطع الكلام من اللحظه دي وهكذا لكن بما ان ف كلام ... تقعدي تفكري صح مش مرتاحه ليه وكل تفاصيل الموضوع بالورقه والقلم وبعدها قرارك تقوليه ليه بوضوح لو هو شخص قررتي وقتها تمام ... تبان نيته انه يتقدم حتي لو ظروفه مش سامحه ..هي صعبه .. للاسف الشباب بتوعد البنات سنين وتكلم ام البنت كمان وف الاخر ميتقدمش ... فانتي حددي شخصيته ومشاعرك نحيته ومسؤليته انه يكون زوج ولو تمام قولي يجي لأهلك ..ف حاجه بتتقال كده ف القري بيحجزها .. يتقدم بس بينتظر فتره ع ما يجهز حاجه او ايا كانت بس البنت دي خلاص قافلين باب الخطاب عليها محجوزه لزينة الرجال استعيني بربك وفكري كويس من اول وجديد بعيدا عن الكلام الحلو والمشاعر... فكري وقت الخلاف اي اللي بيحصل والمشاكل بينكم اي وبتحصل ليه وازاي وتتحل ازاي وهو بيتراضي ازاي وانتي كذلك ... خراب اغلب البيوت .. بيكون في خلافاتهم والعك اللي بيحصل فيه ...ربنا يصلحلك حالك ويصلح حاله ويدبر لكم الصالح ... انا هنا لأي حاجه انا معاكي🌸
0 likes
1 likes
0 likes